劉偉強 20 30 50
2011-06-21 14:37
劉偉強
劉偉強
調整字體︰大 中 小
81年6月1日，劉偉強在報章上看到邵氏公司聘請
助理製片，應徵成功之後便開始其電影生涯。
91年，首部執導作《朋黨》上畫，正式晉身導演行列。
11年5月26日，其執導的新作《不再讓你孤單》上畫，相信這就是劉偉強入行30年，執導20年的代表作。
「我入行30年咩？啊！係呀。91年上《朋黨》，冇錯！係執導20年，你仲清楚過我！」
原來年資只是旁人替他肉緊，今日「劉偉強」3個字已是最好的招牌，已經無需要如區議員般，向人高呼我有30年乜乜乜經驗。
「年份來說不重要，我最驚訝是上年發覺原來自己已經5條，半百喎，嚇一嚇。至於入行30年，都是繼續拍戲，我們不拍戲還可以做甚麼？我反而想開個party，看看有沒有一些攝影、助手、演員等，是跟我合作了30年，找個藉口約大家一齊吃餐飯慶祝。」
text■Patrick photo■Yin art■tna
1987《龍虎風雲》
「戲中用了當年頗新的拍攝手法，如大量手搖鏡，又用藍、紅燈做對比，更嘗試改用光管去打光。由於林嶺東當時都是導演新手，大家都敢於嘗試。」
1990《咖喱辣椒》
「我都曾經有幕前演出，《咖喱辣椒》內便飾演學友及星仔的同僚，都幾好玩。」
1992《黃飛鴻III獅王爭霸》
參與《黃飛鴻》系列的攝影工作，與李連杰、關之琳合照。
1992《伴我縱橫》
第二部執導的《伴我縱橫》，郭富城主演，趁打燈時拍下的一張舞台照。
2007《強捕犯》
「香港票房麻麻，但有機會去荷里活拍李察基爾，仲想點呀？」
阿強
1960年4月4日出世，自小愛攝影，中學畢業後考入邵氏公司當攝影小工，首部參與拍攝的電影是劉家良導演的《十八般武藝》，當時攝影師黃岳泰的徒弟敖志君便成為他師傅。由於表現出色，短短4個月便由小工破格升做攝影助手。80年代後期，於林嶺東《龍虎風雲》及王家衛《旺角卡門》中的攝影技巧獲行內認同，90年李修賢提攜他當導演，後又得王晶賞識，合組電影公司創下《古惑仔》系列的佳績。往後的《風雲之雄霸天下》、《中華英雄》、《無間道》系列均為他奠定大導演地位。
小強
6年前，有人將一隻約一個月大的狗仔放在鞋盒內，並寫上「內有小狗」放在當時劉偉強的電影公司門口。當年有套日本電影《導盲犬小Q》大熱，有公司職員想為牠起名做小Q，但劉偉強一聲︰「Q咩呀？叫小強啦！」從此就跟主人分享同一個名字，亦是劉偉強的至愛之一。
30mething About Andrew Lau
30年，太多事值得回味，而且有甚麼好得過由當事人親述。
我的風格，不固定風格
細閱劉偉強的電影表，你會發現他沒有固定風格，就算《無道間》後聲名大噪，都突然殺出一套《咒樂園》玩3D鬼片，劉偉強的風格，就是不固定風格。
「入邵氏時，正值電影業興旺，同一時間可以開14組戲，每個廠都拍不同片種，有古裝片、科幻片、鬼片、豔情片，今日睇李翰祥，明日有張徹，你會好似入大觀園一樣目不暇給。所以初做導演時，冇去揀主題拍，有機會就埋位。就算到現在，我都盡量不將自己的影子放進電影，有些導演的主導性好強，連句對白都要係佢講的說話。但有時真係要放開，我不可能因為《無間道》成功，之後10套都是《無間道》影子，咁就失敗啦，我最想係有人睇完《不再讓你孤單》後，會問乜係劉偉強拍0架？咁我就最開心。」
半紅不黑，殺出血路
《古惑仔》系列是劉偉強的第一個高峰，外間認為是因為漫畫本身受歡迎，風乘火勢，實情劉偉強是苦心經營。
「當年拍完《廟街故事》，李兆基拎本《古惑仔》俾我睇話值得拍。我一睇，又黑社會、又強姦、又劈友，初初有少少抗拒。但我又想挑戰自己，因為當時已經做了幾年導演，半紅不黑，好想靠這套戲殺出條血路，如果要拍，絕不可沿用英雄片模式，要當佢係青春片拍！主角搵25歲鄭伊健，至少做到『仔』個感覺，當年乖乖女形象的黎姿，要大轉變?性感迷你裙，講對白又漏口。後來拍完俾作者牛佬睇，猛話都唔同原著，我心諗梗係唔同啦，如果一樣就大鑊！」
倉底貨，爆大冷
《古惑仔》拍好，大家對他冇信心，遲遲未排到期上畫，心急如焚。
「想排聖誕，同期郭富城套《浪漫風暴》上午夜場，收30萬，好厲害！結果再等，去到1月頭，行內稱為急景殘年期，聖誕大片冇你份，賀歲片未到你，問我上唔上？上！先上午夜場，午夜場當日下午3點，得知賣飛賣得唔錯，於是叫王晶、文雋一齊踩場入去睇。好記得播了未夠半個鐘，王晶打電話問數，90幾萬！午夜場收90幾萬！我立即在場內叫了出來！然後老闊叫開續集，復活節要上，結果票房仲高過第一集，於是暑假要趕上第三集，造就一年3集的紀錄。」
高峰過去，風雲來襲
以為一招古惑到尾，但劉偉強偏向虎上行，觸到港產片頭號死穴，特技片。
「《古惑仔》由高峰收$2,200萬，去到第五集得番$1,000萬左右，好明顯你要搵路走。96、97年籌拍《風雲雄霸天下》，500幾個特技鏡頭，自己完全未接觸過，拍火麒麟一幕，都拍了兩個月，拍完仲唔敢拆個景，驚要補shot。特技片在香港向來唔成氣候，一致不被睇好，上畫時仲要係金融風暴後的市道低迷期，自己都好擔心。幸好出來破好多票房紀錄，總算為自己吐一啖冤屈氣。」
「《古惑仔》是屬於街頭的，所以海報都在拍完黎姿被人捉上車一幕後，見有時間剩，自己拎部相機set支燈，企埋去就影影影，15分鐘影好。邊似得而家咁俾幾萬蚊人影海報呀？」
環境造就，撐大《無間道》
今日看《無間道》，你會覺得唔爆至奇，實情當年從未想過玩到咁大，結果因為是自己公司創業作，焗大！
「自己搞公司，《無間道》是創業作，點都要搞到最大，先由卡士著手，搵劉德華，應承了。另一男主角都要同級數喎，於是親自打俾偉仔︰『喂！高佬，撐唔撐我先？』佢都應承埋，再撐大就要兩個阿頭都係影帝級，所以有埋黃秋生、曾志偉。當時公司所有資金投資晒一部戲度，冇人保證你劉德華加梁朝偉就收幾千萬，而且拍攝時，自己銳意改變香港電影製作模式，堅持增加製作成本，前期和後期工作都要有兩、三個月時間，就連配樂都上北京搵百人管弦樂隊做，是好狠心的一次改革，結果證明條路行得0岩。」
港女導演論
今日在香港當導演，10個有9個要返大陸開工。香港人在大陸工作的心聲，原來隱藏在新作《不再讓你孤單》內抒發出來。
「戲中舒淇是典型港女，以為有幾分姿色，上到大陸工作就好巴閉，覺得高人一等。其實做導演都一樣，十幾年前係好巴閉，係近年先發現出事，所以就要好似舒淇般放下身段。不過有道好係內地人覺得，同香港人做生意怎樣差都好，都有個譜。好多人問我係咪積極北上搵人仔，我承認係，但我們要搵得其所，作為商業導演，拍戲是俾人睇，為生存你一定要向住market走。戲中秋生向舒淇說了句︰『香港女人有情有義。』其實都是反映大陸人眼中的香港人。」
因為《無間道》，劉偉強獲外國電視台訪問。
對他有話兒
劉偉強在圈內人緣甚好，跟他合作過的有讚無彈，今次就找來幾位他的圈中友好，分享當中一些趣事。
陳冠希︰
「佢係第一個亦將會係
最後一個打我0既人！」
曾合作電影︰《無間道》I、II、《頭文字D》
「?拍緊《無間道》?時候，有一次劉偉強突然行過0黎摑0左我一巴！我好多謝佢，因為佢為我好，所以用呢種方法點醒我，教識我點樣做一個真正0既演員。拍緊戲0既時候，無論你有幾?或者狀態幾差都好，點都要百分百投入，咁至係專業，這亦是作為演員必須要有0既態度！而佢係第一個亦將會係最後一個打我0既人！」
今年4月4日，劉偉強51歲生日，Edison都有去party到賀。
余文樂︰
「為他賣力都制」
曾合作電影︰《無間道》I、II、《頭文字D》、《精武風雲•陳真》
「我私下會叫劉強（暱稱）做老竇，事關他在電影上幫我很多，在我還是nobody時已找我演《無間道》。另外他對手足的照顧也令你非常敬佩，拍《頭文字D》時，很多危險鏡頭都會親身上陣。其中一幕是拍我駕車追周杰倫，而劉強部攝影車就行最前，全程都開得幾快，突然間阿Jay部車失控在打白鴿轉撞埋山邊，由於事出突然，跟在後面的我還未及反應時，我親眼見住劉強架車未停定，佢已經跳出車跑向阿Jay身邊。可想而知他對演員幾著緊，是一個很有魅力，令你甘於為他賣力的導演。」
劉偉強廣邀好友齊jam電影主題曲〈不再讓你孤單〉，余文樂便首個報到。上YouTube輸入「余文樂 x 劉偉強《不再讓你孤單》」便看到。
鄭伊健 ︰
「佢請我0地食擦膠鮑魚。」
曾合作電影︰《廟街故事》、《古惑仔》系列、《風雲雄霸天下》、《烈火戰車二之極速傳說》、《中華英雄》、《決戰紫禁之巔》、《當男人變成女人》
「大家都知劉偉強拍戲叻，但其實佢都好鍾意落廚，不過都有失手時。第一集《古惑仔》大收後，佢自行搞0左場慶功，大鑼大鼓話要煮鮑魚俾大家食，大家好開心去食啦！點知一食，隻鮑魚咬極都咬唔開，成?擦膠咁，佢都知出事，即刻賴志雄哥唔知去邊度買鮑魚，買得咁難食。雖然係咁，但佢私下繼續鑽研，直至今時今日已經可以整到一碟好好味0既鮑魚出0黎，每逢年尾的團年飯，都會宴請大家。雖然好食0左好多，但我0地每次聚埋食鮑魚，都會講番起呢?『擦膠』。」
杜汶澤︰
「邊個搵呢條友返0黎！」
曾合作電影︰《無間道》系列、《頭文字D》、《傷城》
「由於莊文強是《嘩嘩嘩！打到0黎》fans，在他推薦下我有機會演《無間道》，並首次同劉偉強合作。第一日開工，冇對白，剩係要我同梁朝偉打個眼色，但話晒第一次拍大製作，好緊張，拍0左幾個take佢都唔滿意，仲扯火大鬧︰『邊個搵呢條友返0黎！』莊文強當然立即行埋一邊唔出聲啦。後來去到拍我臨死一幕，本來第二take已經收貨，但我同劉偉強講︰『我諗到個再好0的0既演繹方法。』因為個角色好佻皮，我嫌演得太沉重，於是第三個take用輕描淡寫的方式去演，襯番個角色，結果佢都好滿意。你試諗下，我之前?佢心目中咁屎戲，突然間同佢講想試新?要take多個佢都肯，就知佢份人好民主，同埋都係傻傻地。」
這一個自薦的演繹方法，令劉偉強往後有戲必預佢一份。「都多謝傻強呢個角色，令我至今都生活得好好。」
王晶︰
「我有叫佢快0的走！」
相識於邵氏年代，看到他為林嶺東擔任攝影的《龍虎風雲》，更覺他是導演的將材，於是鼓勵他晉身導演。1995年更與文雋三人合組最佳拍檔電影公司，拍下《古惑仔》電影系列。
「好早已經識阿強，直至看到他擔任攝影師的《龍虎風雲》，周潤發在街頭被追捕再跑落地鐵，一氣呵成好有逼力，看罷已覺得假而時日，他必然可升上導演。我係第一個話要升佢做攝影師的導演。後來跟佢合作第一部電影係《香港奇案之強姦》，當時三級片好少會收過$1,000萬票房。有一年佢拎份劇本俾我，我睇完覺得一定掂，極力說服我當年的老闆投資，但遭拒絕。後來知道寰亞那邊有充足資金，我就叫佢快0的走，搵林生投資，結果就拍出部$5,000萬票房的《無間道》。」
舒淇︰「你真係好得意」
曾合作電影︰《98古惑仔之龍爭虎鬥》、《風雲雄霸天下》、《中華英雄》、《勝者為王》、《?斯理藍血人》、《傷城》、《游龍戲鳳》、《不再讓你孤單》
「劉偉強平時在片場經常爆粗，有一日我在片場同佢打賭$5,000，要佢一日之內唔講粗口。上半晝都還可以，到下晝佢開始忍不到，罵人時會出現吞字的情況，又有時會爆出幾粒諧音，但他總是說不算數呀！不算數呀！結果他當然沒有輸掉$5,000大元，但期間就創作了很多代用詞，一想爆粗就會講︰『你真係好得意！你真係好開心！』都幾好?，整個片場乾淨晒！」
除了新浪微博外，香港新浪娛樂亦已正式登陸Facebook，速遞娛樂圈第一手最新最快八卦猛料、至hit新歌新碟，和最update電影資訊！讓大家緊貼娛樂動向，齊齊做大娛樂家！快來Facebook LIKE 我們的粉絲專頁啦！[按此 Like]
相關專題
日本世紀大地震
TAGS
本地娛樂, 電影新聞, 明星專訪, 劉德華, 郭富城, 鄭伊健, 周杰倫, 陳冠希, 余文樂, 梁朝偉, 杜汶澤, 黎姿, 曾志偉, 黃秋生, 舒淇, 本地電影, 娛樂新聞, 昔日專訪, 台灣娛樂, 名人生活, 電視新聞
相關資訊
hp最新消息
劉偉強 20 30 50
2011-06-21 14:37 |
|
劉偉強
劉偉強
調整字體︰大 中 小
81年6月1日，劉偉強在報章上看到邵氏公司聘請
助理製片，應徵成功之後便開始其電影生涯。
91年，首部執導作《朋黨》上畫，正式晉身導演行列。
11年5月26日，其執導的新作《不再讓你孤單》上畫，相信這就是劉偉強入行30年，執導20年的代表作。
「我入行30年咩？啊！係呀。91年上《朋黨》，冇錯！係執導20年，你仲清楚過我！」
原來年資只是旁人替他肉緊，今日「劉偉強」3個字已是最好的招牌，已經無需要如區議員般，向人高呼我有30年乜乜乜經驗。
「年份來說不重要，我最驚訝是上年發覺原來自己已經5條，半百喎，嚇一嚇。至於入行30年，都是繼續拍戲，我們不拍戲還可以做甚麼？我反而想開個party，看看有沒有一些攝影、助手、演員等，是跟我合作了30年，找個藉口約大家一齊吃餐飯慶祝。」
text■Patrick photo■Yin art■tna
1987《龍虎風雲》
「戲中用了當年頗新的拍攝手法，如大量手搖鏡，又用藍、紅燈做對比，更嘗試改用光管去打光。由於林嶺東當時都是導演新手，大家都敢於嘗試。」
1990《咖喱辣椒》
「我都曾經有幕前演出，《咖喱辣椒》內便飾演學友及星仔的同僚，都幾好玩。」
1992《黃飛鴻III獅王爭霸》
參與《黃飛鴻》系列的攝影工作，與李連杰、關之琳合照。
1992《伴我縱橫》
第二部執導的《伴我縱橫》，郭富城主演，趁打燈時拍下的一張舞台照。
2007《強捕犯》
「香港票房麻麻，但有機會去荷里活拍李察基爾，仲想點呀？」
阿強
1960年4月4日出世，自小愛攝影，中學畢業後考入邵氏公司當攝影小工，首部參與拍攝的電影是劉家良導演的《十八般武藝》，當時攝影師黃岳泰的徒弟敖志君便成為他師傅。由於表現出色，短短4個月便由小工破格升做攝影助手。80年代後期，於林嶺東《龍虎風雲》及王家衛《旺角卡門》中的攝影技巧獲行內認同，90年李修賢提攜他當導演，後又得王晶賞識，合組電影公司創下《古惑仔》系列的佳績。往後的《風雲之雄霸天下》、《中華英雄》、《無間道》系列均為他奠定大導演地位。
小強
6年前，有人將一隻約一個月大的狗仔放在鞋盒內，並寫上「內有小狗」放在當時劉偉強的電影公司門口。當年有套日本電影《導盲犬小Q》大熱，有公司職員想為牠起名做小Q，但劉偉強一聲︰「Q咩呀？叫小強啦！」從此就跟主人分享同一個名字，亦是劉偉強的至愛之一。
30mething About Andrew Lau
30年，太多事值得回味，而且有甚麼好得過由當事人親述。
我的風格，不固定風格
細閱劉偉強的電影表，你會發現他沒有固定風格，就算《無道間》後聲名大噪，都突然殺出一套《咒樂園》玩3D鬼片，劉偉強的風格，就是不固定風格。
「入邵氏時，正值電影業興旺，同一時間可以開14組戲，每個廠都拍不同片種，有古裝片、科幻片、鬼片、豔情片，今日睇李翰祥，明日有張徹，你會好似入大觀園一樣目不暇給。所以初做導演時，冇去揀主題拍，有機會就埋位。就算到現在，我都盡量不將自己的影子放進電影，有些導演的主導性好強，連句對白都要係佢講的說話。但有時真係要放開，我不可能因為《無間道》成功，之後10套都是《無間道》影子，咁就失敗啦，我最想係有人睇完《不再讓你孤單》後，會問乜係劉偉強拍0架？咁我就最開心。」
半紅不黑，殺出血路
《古惑仔》系列是劉偉強的第一個高峰，外間認為是因為漫畫本身受歡迎，風乘火勢，實情劉偉強是苦心經營。
「當年拍完《廟街故事》，李兆基拎本《古惑仔》俾我睇話值得拍。我一睇，又黑社會、又強姦、又劈友，初初有少少抗拒。但我又想挑戰自己，因為當時已經做了幾年導演，半紅不黑，好想靠這套戲殺出條血路，如果要拍，絕不可沿用英雄片模式，要當佢係青春片拍！主角搵25歲鄭伊健，至少做到『仔』個感覺，當年乖乖女形象的黎姿，要大轉變?性感迷你裙，講對白又漏口。後來拍完俾作者牛佬睇，猛話都唔同原著，我心諗梗係唔同啦，如果一樣就大鑊！」
倉底貨，爆大冷
《古惑仔》拍好，大家對他冇信心，遲遲未排到期上畫，心急如焚。
「想排聖誕，同期郭富城套《浪漫風暴》上午夜場，收30萬，好厲害！結果再等，去到1月頭，行內稱為急景殘年期，聖誕大片冇你份，賀歲片未到你，問我上唔上？上！先上午夜場，午夜場當日下午3點，得知賣飛賣得唔錯，於是叫王晶、文雋一齊踩場入去睇。好記得播了未夠半個鐘，王晶打電話問數，90幾萬！午夜場收90幾萬！我立即在場內叫了出來！然後老闊叫開續集，復活節要上，結果票房仲高過第一集，於是暑假要趕上第三集，造就一年3集的紀錄。」
高峰過去，風雲來襲
以為一招古惑到尾，但劉偉強偏向虎上行，觸到港產片頭號死穴，特技片。
「《古惑仔》由高峰收$2,200萬，去到第五集得番$1,000萬左右，好明顯你要搵路走。96、97年籌拍《風雲雄霸天下》，500幾個特技鏡頭，自己完全未接觸過，拍火麒麟一幕，都拍了兩個月，拍完仲唔敢拆個景，驚要補shot。特技片在香港向來唔成氣候，一致不被睇好，上畫時仲要係金融風暴後的市道低迷期，自己都好擔心。幸好出來破好多票房紀錄，總算為自己吐一啖冤屈氣。」
「《古惑仔》是屬於街頭的，所以海報都在拍完黎姿被人捉上車一幕後，見有時間剩，自己拎部相機set支燈，企埋去就影影影，15分鐘影好。邊似得而家咁俾幾萬蚊人影海報呀？」
環境造就，撐大《無間道》
今日看《無間道》，你會覺得唔爆至奇，實情當年從未想過玩到咁大，結果因為是自己公司創業作，焗大！
「自己搞公司，《無間道》是創業作，點都要搞到最大，先由卡士著手，搵劉德華，應承了。另一男主角都要同級數喎，於是親自打俾偉仔︰『喂！高佬，撐唔撐我先？』佢都應承埋，再撐大就要兩個阿頭都係影帝級，所以有埋黃秋生、曾志偉。當時公司所有資金投資晒一部戲度，冇人保證你劉德華加梁朝偉就收幾千萬，而且拍攝時，自己銳意改變香港電影製作模式，堅持增加製作成本，前期和後期工作都要有兩、三個月時間，就連配樂都上北京搵百人管弦樂隊做，是好狠心的一次改革，結果證明條路行得0岩。」
港女導演論
今日在香港當導演，10個有9個要返大陸開工。香港人在大陸工作的心聲，原來隱藏在新作《不再讓你孤單》內抒發出來。
「戲中舒淇是典型港女，以為有幾分姿色，上到大陸工作就好巴閉，覺得高人一等。其實做導演都一樣，十幾年前係好巴閉，係近年先發現出事，所以就要好似舒淇般放下身段。不過有道好係內地人覺得，同香港人做生意怎樣差都好，都有個譜。好多人問我係咪積極北上搵人仔，我承認係，但我們要搵得其所，作為商業導演，拍戲是俾人睇，為生存你一定要向住market走。戲中秋生向舒淇說了句︰『香港女人有情有義。』其實都是反映大陸人眼中的香港人。」
因為《無間道》，劉偉強獲外國電視台訪問。
對他有話兒
劉偉強在圈內人緣甚好，跟他合作過的有讚無彈，今次就找來幾位他的圈中友好，分享當中一些趣事。
陳冠希︰
「佢係第一個亦將會係
最後一個打我0既人！」
曾合作電影︰《無間道》I、II、《頭文字D》
「?拍緊《無間道》?時候，有一次劉偉強突然行過0黎摑0左我一巴！我好多謝佢，因為佢為我好，所以用呢種方法點醒我，教識我點樣做一個真正0既演員。拍緊戲0既時候，無論你有幾?或者狀態幾差都好，點都要百分百投入，咁至係專業，這亦是作為演員必須要有0既態度！而佢係第一個亦將會係最後一個打我0既人！」
今年4月4日，劉偉強51歲生日，Edison都有去party到賀。
余文樂︰
「為他賣力都制」
曾合作電影︰《無間道》I、II、《頭文字D》、《精武風雲•陳真》
「我私下會叫劉強（暱稱）做老竇，事關他在電影上幫我很多，在我還是nobody時已找我演《無間道》。另外他對手足的照顧也令你非常敬佩，拍《頭文字D》時，很多危險鏡頭都會親身上陣。其中一幕是拍我駕車追周杰倫，而劉強部攝影車就行最前，全程都開得幾快，突然間阿Jay部車失控在打白鴿轉撞埋山邊，由於事出突然，跟在後面的我還未及反應時，我親眼見住劉強架車未停定，佢已經跳出車跑向阿Jay身邊。可想而知他對演員幾著緊，是一個很有魅力，令你甘於為他賣力的導演。」
劉偉強廣邀好友齊jam電影主題曲〈不再讓你孤單〉，余文樂便首個報到。上YouTube輸入「余文樂 x 劉偉強《不再讓你孤單》」便看到。
鄭伊健 ︰
「佢請我0地食擦膠鮑魚。」
曾合作電影︰《廟街故事》、《古惑仔》系列、《風雲雄霸天下》、《烈火戰車二之極速傳說》、《中華英雄》、《決戰紫禁之巔》、《當男人變成女人》
「大家都知劉偉強拍戲叻，但其實佢都好鍾意落廚，不過都有失手時。第一集《古惑仔》大收後，佢自行搞0左場慶功，大鑼大鼓話要煮鮑魚俾大家食，大家好開心去食啦！點知一食，隻鮑魚咬極都咬唔開，成?擦膠咁，佢都知出事，即刻賴志雄哥唔知去邊度買鮑魚，買得咁難食。雖然係咁，但佢私下繼續鑽研，直至今時今日已經可以整到一碟好好味0既鮑魚出0黎，每逢年尾的團年飯，都會宴請大家。雖然好食0左好多，但我0地每次聚埋食鮑魚，都會講番起呢?『擦膠』。」
杜汶澤︰
「邊個搵呢條友返0黎！」
曾合作電影︰《無間道》系列、《頭文字D》、《傷城》
「由於莊文強是《嘩嘩嘩！打到0黎》fans，在他推薦下我有機會演《無間道》，並首次同劉偉強合作。第一日開工，冇對白，剩係要我同梁朝偉打個眼色，但話晒第一次拍大製作，好緊張，拍0左幾個take佢都唔滿意，仲扯火大鬧︰『邊個搵呢條友返0黎！』莊文強當然立即行埋一邊唔出聲啦。後來去到拍我臨死一幕，本來第二take已經收貨，但我同劉偉強講︰『我諗到個再好0的0既演繹方法。』因為個角色好佻皮，我嫌演得太沉重，於是第三個take用輕描淡寫的方式去演，襯番個角色，結果佢都好滿意。你試諗下，我之前?佢心目中咁屎戲，突然間同佢講想試新?要take多個佢都肯，就知佢份人好民主，同埋都係傻傻地。」
這一個自薦的演繹方法，令劉偉強往後有戲必預佢一份。「都多謝傻強呢個角色，令我至今都生活得好好。」
王晶︰
「我有叫佢快0的走！」
相識於邵氏年代，看到他為林嶺東擔任攝影的《龍虎風雲》，更覺他是導演的將材，於是鼓勵他晉身導演。1995年更與文雋三人合組最佳拍檔電影公司，拍下《古惑仔》電影系列。
「好早已經識阿強，直至看到他擔任攝影師的《龍虎風雲》，周潤發在街頭被追捕再跑落地鐵，一氣呵成好有逼力，看罷已覺得假而時日，他必然可升上導演。我係第一個話要升佢做攝影師的導演。後來跟佢合作第一部電影係《香港奇案之強姦》，當時三級片好少會收過$1,000萬票房。有一年佢拎份劇本俾我，我睇完覺得一定掂，極力說服我當年的老闆投資，但遭拒絕。後來知道寰亞那邊有充足資金，我就叫佢快0的走，搵林生投資，結果就拍出部$5,000萬票房的《無間道》。」
舒淇︰「你真係好得意」
曾合作電影︰《98古惑仔之龍爭虎鬥》、《風雲雄霸天下》、《中華英雄》、《勝者為王》、《?斯理藍血人》、《傷城》、《游龍戲鳳》、《不再讓你孤單》
「劉偉強平時在片場經常爆粗，有一日我在片場同佢打賭$5,000，要佢一日之內唔講粗口。上半晝都還可以，到下晝佢開始忍不到，罵人時會出現吞字的情況，又有時會爆出幾粒諧音，但他總是說不算數呀！不算數呀！結果他當然沒有輸掉$5,000大元，但期間就創作了很多代用詞，一想爆粗就會講︰『你真係好得意！你真係好開心！』都幾好?，整個片場乾淨晒！」
除了新浪微博外，香港新浪娛樂亦已正式登陸Facebook，速遞娛樂圈第一手最新最快八卦猛料、至hit新歌新碟，和最update電影資訊！讓大家緊貼娛樂動向，齊齊做大娛樂家！快來Facebook LIKE 我們的粉絲專頁啦！[按此 Like]
| 相關專題 | 日本世紀大地震 |
| TAGS | 本地娛樂, 電影新聞, 明星專訪, 劉德華, 郭富城, 鄭伊健, 周杰倫, 陳冠希, 余文樂, 梁朝偉, 杜汶澤, 黎姿, 曾志偉, 黃秋生, 舒淇, 本地電影, 娛樂新聞, 昔日專訪, 台灣娛樂, 名人生活, 電視新聞 |
| 相關資訊 | hp最新消息 |
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
