主頁
新聞
本地娛樂
Kay自嘲出攬枕冇人買
2010-08-01 05:23
分享至微博
分享至 Facebook
Send俾朋友
列印
謝安琪自稱走實用路線，推銷產品，不怕硬撼o靚模。
謝安琪與關楚耀齊在台上演出。
調整字體︰大 中 小

【東方日報專訊】謝安琪（Kay）昨日現身動漫節為推出的產品作生招牌宣傳，面對o靚模的出位招數，Kay無懼平實冇得攬而影響銷路，實行以實用鬥性感！

Kay昨日與關楚耀（Kelvin）及樂隊Mr.出席動漫節活動，Kay表示他們推出的產品以實用行先，當中包括手機殼、手錶等，她又自嘲出攬枕冇人買，記者即笑言其老公張繼聰一定捧場，她甜笑說：「都係出T恤、環保袋。（唔怕唔夠撼滯銷？）我行實用路線，畀多啲選擇大家。」

關楚耀欲出寫真

至於代表Kelvin的T恤就以其紋身為藍本，他透露少年時代除選購模型外，亦有買寫真集：「係Maggie Q嘅寫真，係我嘅珍藏嚟，好鍾意佢，依家仲有留意佢嘅新聞。」問Kelvin有否留意其他o靚模？他似有意為o靚模伸冤說：「我覺得『o靚模』呢個字好奇怪，字眼上標籤咗一班年輕模特兒咁，覺得佢哋係唔好，係只賣事業線，其實都係搵啖食啫！」他又稱近年「年輕模特兒」大部分只照顧男士們，笑說下年要為女士們推出攬枕及寫真：「女仔嘅事業線喺前面，男仔喺後面啦！」

Alan揚威動漫節

此外，Mr.成員Alan與Dash透露曾在動漫節參加夾band比賽並贏得第三名，Dash說：「個個都set晒頭化行妝嚟，下次要叫我哋御用模特兒Ronny扮漫畫人物入嚟！」他們又笑言若要cosplay上陣，必定以MJ為模仿對象，他們說：「畫條眼線就得！」至於問到Tom的舊八模女友Evelyn（蔡穎恩）有否被動漫節下禁制令？他說：「（入場）得啩，佢又冇出漫畫。」

採訪：音樂組

分享至微博
分享至微博
分享至 Facebook
Send俾朋友
列印