假仁假義「對唔住都冇句」 栢芝怒罵Edison貓哭老鼠
2009-02-28 05:35
床照風暴爆發前夕，栢芝與霆鋒甜蜜夜遊。
栢芝得家人力撐，令她十分感動。資料圖片
婷婷不時與栢芝歎茶，近日更力撐對方。 資料圖片
調整字體︰大 中 小
【太陽報專訊】自去年爆發床照風暴後，沉默1年的張栢芝，日前接受有線娛樂新聞台區永權的獨家訪問時，盡情地披露床照風暴後的壓力及心路歷程。栢芝在訪問中數度嗚咽，直指傷害完全來自陳冠希（Edison），並直斥他貓哭老鼠、擘大眼講大話！
A：區永權 C：張栢芝
A：今次事件你首次開腔，好多人話你非常勇敢。過去一年你選擇沉默，點解今日講出嚟？
C：其實事件發生到依家有年幾，自己作風不嬲唔係好多講嘢，點解今次咁沉默，因為每個後生都有錯，但係未必識得認錯或搵到最好嘅方法去承受，但今次事態太嚴重！點解我沉默？我唔係驚或者覺得羞恥，亦唔係唔識面對群眾，而係因為我學識咗啲嘢，要完全面對自己嘅錯誤同承擔。今次我反而係唔想講嘢，因為我自己做咗一個法官，同時做咗一個犯罪嘅人，我判咗自己坐監，我冇向任何觀眾交代任何嘢，唔係因為我怕事，係因為我要面對錯誤，我心入面有個計時炸彈！我好驚，我唔識得同人講有幾驚。呢啲其實係私隱，陳先生佢承諾過一定唔會畀第三者睇，所以我自己呃自己話唔會有事嘅，事實上佢話一定唔會畀人睇。
「我以為自己會癲」
收到消息話，第二日全香港嘅人都有相嘅時候，我真係好驚！嗰時我好記得Lucas七、八個月度，我好驚好驚！我即刻入房想抱起個仔，我都未抱起，嗰種驚係去到一個地步，係唔識得同人講嘅驚！（強裝鎮定的栢芝首度嗚咽，情緒激動！）我一入房抱起個仔，我隻腳係驚到軟㗎！（再度強忍淚水）有少少膝頭哥係屈低、失咗平衡！我抱住七個月大嘅小朋友，我同自己講，我望住個仔，如果我係一個大人我都冇勇氣去企起身，一個咁無助嘅細路仔，得七、八個月都好無助㗎喎！咁點得呢？所以我同自己講唔得．一定要企起身，之前我以為自己會癲，但係嗰一刻我冇！到事件發生嗰日，報紙出嗰日，我咁啱要拍廣告，公司同廣告客戶個個都覺得我唔會出席，但我照拍，（強調）好難堪好難堪！（再度嗚咽，要定一定神才繼續說下去，眼淚滿眶！）我同自己講都要㗎！你自己做錯事就話我唔得喇、情緒唔好就唔拍？我照出嚟拍（口震震），我預咗一切後果，拍完之後個廣告唔播得，會畀傳媒寫好多嘢，我都預咗。但人係要承擔！我知道自己有錯，咁好多朋友、屋企人、經理人全部都叫我唔好太怪責自己：『你都係受害者，唔關你事，你都唔想，坦白講好多正常人都係咁做，只不過你係公眾人物，你係受害者！』但我同所有人講，我唔係一個受害者。係！可能好多人都做過呢啲嘢，件事亦唔係我控制範圍之內！但唔可以去否認呢樣嘢，我係公眾人物，我係偶像，我自己做錯事會影響下一代嘅人，所以我同身邊人講，唔好再講我係受害者，我唔係受害者。我冇埋怨過任何人，就算身邊人話陳冠希點點點，我一句都冇講過！
「我要面對所有責任」
今次我唔可以再將自己嘅錯推卸喺人哋身上，呢一年我沉默不語，我性格其實少少天不怕地不怕，我選擇同自己講，我要判我自己一個懲罰，我要面對所有責任！我唔同記者交代、唔講任何嘢，係唔想得到任何同情，但我照出街，其實心裏面好難受！作為一個女人真係好難受。（忍着淚繼續說）我要為咗個仔，第時可以話畀個仔聽，媽咪做錯事，係唔啱，但可能我好好彩，媽咪係有好好嘅爹哋媽咪嘅教育！（眼泛淚光）錯就要認，打就要企定！今次我選擇咁樣做，錯就要認、打就要企定。我唔出嚟講嘢，但我照出街，係因為媽咪做咗嘅事，唔可以擺落細落仔嘅身上，我要出嚟承擔外界嘅眼光，當係懲罰自己，我唔會選擇逃避。可能會有人覺得我好慘，有人覺得我做啲咁嘅嘢，唔同人有唔同諗法，我照要去承受，如果要徹底認錯，就要承受一切。
選在陳冠希作供後剖白
A：點解選擇陳冠希喺加拿大作完供之後剖白？C：我本來冇諗過出嚟，一路以嚟我未判完自己坐監，我仲係坐緊監，守緊行為。但尋日我睇到報紙，同你哋直播佢庭上講嘢，我同自己講覺得自己一定要企出嚟，好似陳冠希話，希望我哋啲女受害人有番個Healthy、安康嘅嘢，要我哋企出嚟，我今日就企出嚟！（咬牙切齒）我尋日睇到報紙寫話『她們受夠了！』，話陳冠希喺庭上講話『她們受夠了』。我呢年幾未試過覺得受夠！（眼神堅定）未試過覺得傷害（不屑表情），自己做過嘅事就要認！但今日我真係受夠，唔係陳先生所講嘅女受害者受夠喇！係我受夠你！一路以嚟話我哋受傷害，你話希望我哋Healthy，但最傷害我哋嘅唔係傳媒，而係你！我哋受夠係受夠你！佢竟然喺法庭外面回應記者，竟然同我講公義！（咬牙切齒！）我覺得佢貓哭老鼠，佢竟然話保護我哋嘅受害人，要我哋企出嚟，佢竟然夠膽講話：『我復唔復出唔緊要，最緊要女受害人盡快復出、企番起身，過Healthy生活！』佢竟然夠膽擘大眼講大話，我一路以嚟以為信主嘅唔會講大話，但睇完報紙我好失望！佢口口聲聲話自己投靠上帝，佢擘大眼講大話，嘩！（反眼望天）我直情失望到吖！我想同陳冠希講，耶穌唔係避難所，唔係向傳媒交代嘅避難所！
「佢竟然熄咗電話」
：件事發咗超過一年，過去一年你選擇沉默，點解揀今日嚟開腔？C：一年前發生呢件事，佢開記者會話會用盡一切能力保護啲女受害人，但佢冇做到！我哋啲受害人冇話希望賠償啲乜嘢（冷笑），但佢冇保護到我哋，啲相至今都係網上流傳緊，佢冇用任何方法制止，我哋何來安康？何來可以站出來（眼泛淚光）？一、佢乜都冇做過；二、只係可以用幾個字形容：貓哭老鼠假慈悲（激動地）！事件發生後，佢冇講過一句對唔住，淨係同公眾講！
C：我經理人知道聽日啲相會登就打畀佢，拎起電話，問佢究竟發生咩事？都係想問個到底⺊！因為一早知係定局，但佢話：『我開緊會，處理緊、好、好快！』（模仿陳冠希語氣）噗！收咗線！我哋又驚又震，之後我再打畀佢，佢竟然熄咗電話，之後冇機會再接觸到佢，如果佢係真心咁保護我哋受害人，起碼私下一個電話講句對唔住，冇囉！我為所有嘅女性、所有女受害人企出嚟，話畀佢知，今日都冇承受自己嘅錯誤，係咪寧願你唔講囉？
A：你覺得陳冠希為呢件事要負幾大責任？
C：我哋每一個嘅責任係要由自己去衡量，好似我，為呢件事我自己要承受教訓、責任、去面對幾多嘅錯誤、損失、尊嚴……我唔敢講叫佢點面對！唯一可以講係自己唔承擔唔緊要，但唔應該企出嚟扮保護班女Artist！你話我哋係受害人（抱質問態度），你先係最重要去決定嘅人，我有乜安康、有乜嘢能力去站起來……我哋冇佢咁好彩，佢可以去外國發展，可以自己簽一啲歌手，自己做經理人，其他人都冇佢咁好彩，其他女Artist都冇佢咁好彩！我唔夠膽講叫佢企出嚟承擔，I Mean去面對自己嘅錯誤，之後改變自己，真心去承擔。
A：啱啱淫照出嚟時間係新年，咁要拜年嘛？
C：嘩！難受到……（又喊），仲要有朋友上嚟拜年，自己個心好難受，睇朋友喺我面前扮冇嘢仲難受……（口震震），條路係我自己揀，我心痛朋友喺我面前扮冇嘢！嘩！嘩！嗰個Moment難過好多，好開心有一班咁嘅朋友！
「奶奶送風雨同路公仔」
A：有冇試過崩潰？
C：喺泰國搭飛機嗰次，因為霆鋒喺嗰邊拍戲，抱住Lucas，（用紙巾抹眼淚），我個心跳到吖！知機場有好多記者，一直唔覺得係怕尷尬，返到屋企喊得好犀利，因為我覺得自己一個人錯誤，影響到屋企人，我怕影響到謝家！但好感動、好開心，因為上上下下支持到我不得了，呢件事只係喊過兩、三次，但我傷心過，只係唔想自己事令長輩、老人家擔心。相出街第一日，我老爺即上嚟我屋企，佢乜都冇講，只係扮睇Lucas，佢想畀一個Message我，有咩事全家人一齊撐！好似我奶奶咁，咁難堪嘅事好難去講個究竟，佢只係送咗一個磁磚公仔畀我，係兩個公仔抬住一塊荷葉，刻住「風雨同路」四個字，一個呢啲公仔，就係想畀個Message我。我老公更加唔使講，咩都冇問，剩係講咗句：「得啦！老婆，冇事，有我喺度！」父母亦都支持我，呢件事我冇為自己喊過，但為阿媽喊囉！（有些講不出話）阿媽打電話畀我，我想報喜不報憂，因為我知自己做錯事，因為我知令阿媽佢好傷心，阿媽叫我：「阿女，唔好夾硬死頂，我冇事。如果媽咪頂到，我幫你頂！」嗰刻我忍得好辛苦，我話Lucas喊呀唔講，就係喊過嗰次，點解個女可以衰到咁，令到阿媽講啲咁嘅說話，（痛哭）所以我要同自己講要更加勇敢同面對自己錯誤！
A：呢件事上，你冇嬲過陳冠希，但你有無咩說話想同佢講？
C：（停一會）畀我哋女性一個尊重、一個尊嚴，呢年幾裏面，啲女仔Suffer咗好多，我哋冇要求佢做到一年前嘅承諾，要保護我哋，但唔好一年後出嚟貓哭老鼠假慈悲！講一套做一套，為咗求得觀眾寬恕佢，而繼續傷害我哋班女仔，傳媒冇傷害我哋，我哋要自己承擔。陳冠希先生，我冇怪過佢，希望佢唔好再……（激動），尊重我哋啲女性，（哭求）我哋都有媽咪生，唔止佢一個有媽咪陪出庭，我哋都有父母！
有線預告栢芝將會在另一輯訪問中，與主持人剖白與霆鋒的感情：「冇可能搵到一個再好嘅老公！」另外，身在新加坡的Edison對於栢芝昨晚哭罵他，他說：「由頭到尾都係我嘅錯，我明白佢有佢壓力，如果佢鬧完我之後，令佢減輕痛苦，我願意承擔更多！」
辣興栢芝語錄
陳冠希第二日在加拿大出庭後，在庭外接受訪問時曾有以下說話：
希望每位受害者可以企番起身。
我復唔復出唔緊要，佢哋嘅Wellbeing（幸福），喺呢一刻畀我復出重要啲。
希望佢哋更Healthy（健康）,and be happy（快樂）嘅。
她們已經受夠了（They have suffered enough）。
除了新浪微博外，香港新浪娛樂亦已正式登陸Facebook，速遞娛樂圈第一手最新最快八卦猛料、至hit新歌新碟，和最update電影資訊！讓大家緊貼娛樂動向，齊齊做大娛樂家！快來Facebook LIKE 我們的粉絲專頁啦！[按此 Like]
假仁假義「對唔住都冇句」 栢芝怒罵Edison貓哭老鼠
2009-02-28 05:35 |
|
床照風暴爆發前夕，栢芝與霆鋒甜蜜夜遊。
栢芝得家人力撐，令她十分感動。資料圖片
婷婷不時與栢芝歎茶，近日更力撐對方。 資料圖片
調整字體︰大 中 小
【太陽報專訊】自去年爆發床照風暴後，沉默1年的張栢芝，日前接受有線娛樂新聞台區永權的獨家訪問時，盡情地披露床照風暴後的壓力及心路歷程。栢芝在訪問中數度嗚咽，直指傷害完全來自陳冠希（Edison），並直斥他貓哭老鼠、擘大眼講大話！
A：區永權 C：張栢芝
A：今次事件你首次開腔，好多人話你非常勇敢。過去一年你選擇沉默，點解今日講出嚟？
C：其實事件發生到依家有年幾，自己作風不嬲唔係好多講嘢，點解今次咁沉默，因為每個後生都有錯，但係未必識得認錯或搵到最好嘅方法去承受，但今次事態太嚴重！點解我沉默？我唔係驚或者覺得羞恥，亦唔係唔識面對群眾，而係因為我學識咗啲嘢，要完全面對自己嘅錯誤同承擔。今次我反而係唔想講嘢，因為我自己做咗一個法官，同時做咗一個犯罪嘅人，我判咗自己坐監，我冇向任何觀眾交代任何嘢，唔係因為我怕事，係因為我要面對錯誤，我心入面有個計時炸彈！我好驚，我唔識得同人講有幾驚。呢啲其實係私隱，陳先生佢承諾過一定唔會畀第三者睇，所以我自己呃自己話唔會有事嘅，事實上佢話一定唔會畀人睇。
「我以為自己會癲」
收到消息話，第二日全香港嘅人都有相嘅時候，我真係好驚！嗰時我好記得Lucas七、八個月度，我好驚好驚！我即刻入房想抱起個仔，我都未抱起，嗰種驚係去到一個地步，係唔識得同人講嘅驚！（強裝鎮定的栢芝首度嗚咽，情緒激動！）我一入房抱起個仔，我隻腳係驚到軟㗎！（再度強忍淚水）有少少膝頭哥係屈低、失咗平衡！我抱住七個月大嘅小朋友，我同自己講，我望住個仔，如果我係一個大人我都冇勇氣去企起身，一個咁無助嘅細路仔，得七、八個月都好無助㗎喎！咁點得呢？所以我同自己講唔得．一定要企起身，之前我以為自己會癲，但係嗰一刻我冇！
到事件發生嗰日，報紙出嗰日，我咁啱要拍廣告，公司同廣告客戶個個都覺得我唔會出席，但我照拍，（強調）好難堪好難堪！（再度嗚咽，要定一定神才繼續說下去，眼淚滿眶！）我同自己講都要㗎！你自己做錯事就話我唔得喇、情緒唔好就唔拍？我照出嚟拍（口震震），我預咗一切後果，拍完之後個廣告唔播得，會畀傳媒寫好多嘢，我都預咗。但人係要承擔！我知道自己有錯，咁好多朋友、屋企人、經理人全部都叫我唔好太怪責自己：『你都係受害者，唔關你事，你都唔想，坦白講好多正常人都係咁做，只不過你係公眾人物，你係受害者！』但我同所有人講，我唔係一個受害者。係！可能好多人都做過呢啲嘢，件事亦唔係我控制範圍之內！但唔可以去否認呢樣嘢，我係公眾人物，我係偶像，我自己做錯事會影響下一代嘅人，所以我同身邊人講，唔好再講我係受害者，我唔係受害者。我冇埋怨過任何人，就算身邊人話陳冠希點點點，我一句都冇講過！
「我要面對所有責任」
今次我唔可以再將自己嘅錯推卸喺人哋身上，呢一年我沉默不語，我性格其實少少天不怕地不怕，我選擇同自己講，我要判我自己一個懲罰，我要面對所有責任！我唔同記者交代、唔講任何嘢，係唔想得到任何同情，但我照出街，其實心裏面好難受！作為一個女人真係好難受。（忍着淚繼續說）我要為咗個仔，第時可以話畀個仔聽，媽咪做錯事，係唔啱，但可能我好好彩，媽咪係有好好嘅爹哋媽咪嘅教育！（眼泛淚光）錯就要認，打就要企定！今次我選擇咁樣做，錯就要認、打就要企定。我唔出嚟講嘢，但我照出街，係因為媽咪做咗嘅事，唔可以擺落細落仔嘅身上，我要出嚟承擔外界嘅眼光，當係懲罰自己，我唔會選擇逃避。可能會有人覺得我好慘，有人覺得我做啲咁嘅嘢，唔同人有唔同諗法，我照要去承受，如果要徹底認錯，就要承受一切。
選在陳冠希作供後剖白
A：點解選擇陳冠希喺加拿大作完供之後剖白？
C：我本來冇諗過出嚟，一路以嚟我未判完自己坐監，我仲係坐緊監，守緊行為。但尋日我睇到報紙，同你哋直播佢庭上講嘢，我同自己講覺得自己一定要企出嚟，好似陳冠希話，希望我哋啲女受害人有番個Healthy、安康嘅嘢，要我哋企出嚟，我今日就企出嚟！（咬牙切齒）我尋日睇到報紙寫話『她們受夠了！』，話陳冠希喺庭上講話『她們受夠了』。我呢年幾未試過覺得受夠！（眼神堅定）未試過覺得傷害（不屑表情），自己做過嘅事就要認！但今日我真係受夠，唔係陳先生所講嘅女受害者受夠喇！係我受夠你！一路以嚟話我哋受傷害，你話希望我哋Healthy，但最傷害我哋嘅唔係傳媒，而係你！我哋受夠係受夠你！佢竟然喺法庭外面回應記者，竟然同我講公義！（咬牙切齒！）我覺得佢貓哭老鼠，佢竟然話保護我哋嘅受害人，要我哋企出嚟，佢竟然夠膽講話：『我復唔復出唔緊要，最緊要女受害人盡快復出、企番起身，過Healthy生活！』佢竟然夠膽擘大眼講大話，我一路以嚟以為信主嘅唔會講大話，但睇完報紙我好失望！佢口口聲聲話自己投靠上帝，佢擘大眼講大話，嘩！（反眼望天）我直情失望到吖！我想同陳冠希講，耶穌唔係避難所，唔係向傳媒交代嘅避難所！
「佢竟然熄咗電話」
：件事發咗超過一年，過去一年你選擇沉默，點解揀今日嚟開腔？
C：一年前發生呢件事，佢開記者會話會用盡一切能力保護啲女受害人，但佢冇做到！我哋啲受害人冇話希望賠償啲乜嘢（冷笑），但佢冇保護到我哋，啲相至今都係網上流傳緊，佢冇用任何方法制止，我哋何來安康？何來可以站出來（眼泛淚光）？一、佢乜都冇做過；二、只係可以用幾個字形容：貓哭老鼠假慈悲（激動地）！事件發生後，佢冇講過一句對唔住，淨係同公眾講！
C：我經理人知道聽日啲相會登就打畀佢，拎起電話，問佢究竟發生咩事？都係想問個到底⺊！因為一早知係定局，但佢話：『我開緊會，處理緊、好、好快！』（模仿陳冠希語氣）噗！收咗線！我哋又驚又震，之後我再打畀佢，佢竟然熄咗電話，之後冇機會再接觸到佢，如果佢係真心咁保護我哋受害人，起碼私下一個電話講句對唔住，冇囉！我為所有嘅女性、所有女受害人企出嚟，話畀佢知，今日都冇承受自己嘅錯誤，係咪寧願你唔講囉？
A：你覺得陳冠希為呢件事要負幾大責任？
C：我哋每一個嘅責任係要由自己去衡量，好似我，為呢件事我自己要承受教訓、責任、去面對幾多嘅錯誤、損失、尊嚴……我唔敢講叫佢點面對！唯一可以講係自己唔承擔唔緊要，但唔應該企出嚟扮保護班女Artist！你話我哋係受害人（抱質問態度），你先係最重要去決定嘅人，我有乜安康、有乜嘢能力去站起來……我哋冇佢咁好彩，佢可以去外國發展，可以自己簽一啲歌手，自己做經理人，其他人都冇佢咁好彩，其他女Artist都冇佢咁好彩！我唔夠膽講叫佢企出嚟承擔，I Mean去面對自己嘅錯誤，之後改變自己，真心去承擔。
A：啱啱淫照出嚟時間係新年，咁要拜年嘛？
C：嘩！難受到……（又喊），仲要有朋友上嚟拜年，自己個心好難受，睇朋友喺我面前扮冇嘢仲難受……（口震震），條路係我自己揀，我心痛朋友喺我面前扮冇嘢！嘩！嘩！嗰個Moment難過好多，好開心有一班咁嘅朋友！
「奶奶送風雨同路公仔」
A：有冇試過崩潰？
C：喺泰國搭飛機嗰次，因為霆鋒喺嗰邊拍戲，抱住Lucas，（用紙巾抹眼淚），我個心跳到吖！知機場有好多記者，一直唔覺得係怕尷尬，返到屋企喊得好犀利，因為我覺得自己一個人錯誤，影響到屋企人，我怕影響到謝家！但好感動、好開心，因為上上下下支持到我不得了，呢件事只係喊過兩、三次，但我傷心過，只係唔想自己事令長輩、老人家擔心。相出街第一日，我老爺即上嚟我屋企，佢乜都冇講，只係扮睇Lucas，佢想畀一個Message我，有咩事全家人一齊撐！好似我奶奶咁，咁難堪嘅事好難去講個究竟，佢只係送咗一個磁磚公仔畀我，係兩個公仔抬住一塊荷葉，刻住「風雨同路」四個字，一個呢啲公仔，就係想畀個Message我。我老公更加唔使講，咩都冇問，剩係講咗句：「得啦！老婆，冇事，有我喺度！」父母亦都支持我，呢件事我冇為自己喊過，但為阿媽喊囉！（有些講不出話）阿媽打電話畀我，我想報喜不報憂，因為我知自己做錯事，因為我知令阿媽佢好傷心，阿媽叫我：「阿女，唔好夾硬死頂，我冇事。如果媽咪頂到，我幫你頂！」嗰刻我忍得好辛苦，我話Lucas喊呀唔講，就係喊過嗰次，點解個女可以衰到咁，令到阿媽講啲咁嘅說話，（痛哭）所以我要同自己講要更加勇敢同面對自己錯誤！
A：呢件事上，你冇嬲過陳冠希，但你有無咩說話想同佢講？
C：（停一會）畀我哋女性一個尊重、一個尊嚴，呢年幾裏面，啲女仔Suffer咗好多，我哋冇要求佢做到一年前嘅承諾，要保護我哋，但唔好一年後出嚟貓哭老鼠假慈悲！講一套做一套，為咗求得觀眾寬恕佢，而繼續傷害我哋班女仔，傳媒冇傷害我哋，我哋要自己承擔。陳冠希先生，我冇怪過佢，希望佢唔好再……（激動），尊重我哋啲女性，（哭求）我哋都有媽咪生，唔止佢一個有媽咪陪出庭，我哋都有父母！
有線預告栢芝將會在另一輯訪問中，與主持人剖白與霆鋒的感情：「冇可能搵到一個再好嘅老公！」另外，身在新加坡的Edison對於栢芝昨晚哭罵他，他說：「由頭到尾都係我嘅錯，我明白佢有佢壓力，如果佢鬧完我之後，令佢減輕痛苦，我願意承擔更多！」
辣興栢芝語錄
陳冠希第二日在加拿大出庭後，在庭外接受訪問時曾有以下說話：
希望每位受害者可以企番起身。
我復唔復出唔緊要，佢哋嘅Wellbeing（幸福），喺呢一刻畀我復出重要啲。
希望佢哋更Healthy（健康）,and be happy（快樂）嘅。
她們已經受夠了（They have suffered enough）。
除了新浪微博外，香港新浪娛樂亦已正式登陸Facebook，速遞娛樂圈第一手最新最快八卦猛料、至hit新歌新碟，和最update電影資訊！讓大家緊貼娛樂動向，齊齊做大娛樂家！快來Facebook LIKE 我們的粉絲專頁啦！[按此 Like]
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
------------------------------------------------------------
10
